"މެއިލް މެނޭޖްމަންޓަށް މުވައްޒަފުން އަހުލުވެރިކުރުވުން" މިނަމުގައި މައުލޫމާތު ދިނުމުގެ ޓްރޭނިންގ ވޯރކޮޝޮޕެއް ބާއްވައިފި
- ހޯމަ, 06 މޭ 2013
ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަންގެ މުވައްޒަފުންނަށް އަމާޒުކޮށްގެން "މެއިލް މެނޭޖްމަންޓަށް މުވައްޒަފުން އަހުލުވެރިކުރުވުން" މިނަމުގައި މަޢުލޫމާތު ދިނުމުގެ 1 ދުވަހުގެ ޓްރޭނިންގ ވޯކްޝޮޕެއް ބާއްވައިފިއެވެ.
ޑިޕާޓްމަންޓްގެ ޓްރޭނިންގ އެންޑް ޑިވެލޮޕްމަންޓް ސެކްޝަނުން އިންތިޒާމް ކޮށްގެން ކުރިޔަށް ގެންދިޔަ މިޕްރޮގްރާމްގެ މަގްސަދަކީ ކަރުދާހުގެ ޚަރަދު ކުޑަކުރުމަށްޓަކައި، ޑިޕާޓްމަންޓުގެ އެތެރޭގައި ބަދަލުކުރެވޭ ލިޔެކިޔުންތައް އީމެއިލްގެ ޒަރީއާއިން ކުރިއަށްގެންދިޔުމަށް ބޭނުންވާ ތަމްރީނު މުވައްޒަފުންނަށް ދިނުމާއި މައިކްރޯސޮފްޓް އައުޓުލުކް ޕްރޮގްރާމަށް މުވައްޒަފުން އަޙުލުވެރިކުރުވުމެވެ.
04 މެއި 2013 ވަނަ ދުވަހު ކުރިޔަށްގެންދިޔަ މިޕްރޮގްރާމްގައި ޖުމްލަ 23 މުވައްޒަފުން ބައިވެރިވެވަޑައިގެންނެވިއެވެ.
ހެނދުނު 10:00 ން 17:00 އަށް ކުރިޔަށްގެންދިޔަ މިޕްރޮގްރާމްގެ ސެޝަންތައް ބޭއްވުނީ ވިލިގިލީގައި ހުންނަ ޖުޑީޝަލް ޓްރޭނިންގ ސެންޓަރގައެވެ. ބައްދަލުވުމުގައި މައުލޫމާތު ދެއްވީ ކަމާބެހޭ ތަޖްރިބާކާރު ބޭފުޅުންނާއި ޑިޕާޓްމަންޓުގެ އައިޓީސެކްޝަންގެ ބޭފުޅުންނެވެ.
"މުވައްޒަފުން މަސައްކަތުގެ މާހައުލަށް ޝައުޤުވެރިކުރުވުން" މިނަމުގައި މައުލޫމާތު ދިނުމުގެ ޓްރޭނިންގ ވޯރކޮޝޮޕެއް ބާއްވައިފި
- ބުރާސްފަތި, 25 އޭޕްރީލް 2013
ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަންގެ މުވައްޒަފުންނާއި މާލޭ ކޯޓު ތަކުގެ މުވައްޒަފުންނަށް އަމާޒުކޮށްގެން ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަނާއި ރައީސުލް ޖުމްހޫރިއްޔާގެ އޮފީހާއި ގުޅިގެން "މުވައްޒަފުން މަސައްކަތުގެ މާހައުލަށް ޝައުޤުވެރިކުރުވުން" މިނަމުގައި މައުލޫމާތު ދިނުމުގެ ޓްރޭނިނގ ވޯކްޝޮޕެއް ބާއްވައިފިއެވެ.
ޑިޕާޓްމަންޓްގެ ޓްރޭނިންގ އެންޑް ޑިވެލޮޕްމަންޓް ސެކްޝަނުން އިންތިޒާމް ކޮށްގެން ކުރިޔަށް ގެންދިޔަ މިޕްރޮގްރާމްގެ މަގްސަދަކީ މުވައްޒަފުން މަސައްކަތުގެ މާހައުލަށް ޝައުޤުވެރިކުރުވުމެވެ.
23 އޭޕްރީލް 2013 ވަނަ ދުވަހުން ފެށިގެން 2 ދުވަހުގެ މުއްދަތަށް ކުރިޔަށްގެންދިޔަ މިޕްރޮގްރާމްގައި ޖުމްލަ 25 މުވައްޒަފުން ބައިވެރިވެވަޑައިގެންނެވިއެވެ.
މެންދުރުފަހު 13:30 ން 16:00 އަށް ކުރިޔަށްގެންދިޔަ މިޕްރޮގްރާމްގެ ސެޝަންތައް ބޭއްވުނީ ޑިޕާޓްމަންޓްގެ ޓްރޭނިންގ ރޫމްގައެވެ. ބައްދަލުވުމުގައި މައުލޫމާތު ދެއްވީ ރައީސް އޮފީހުގެ ކަމާބެހޭ ތަޖުރިބާކާރު ބޭފުޅުންނެވެ.
"އިވެލުވޭޓިންގ ދަ ވެލިއު އޮފް ފޮރެންސިކް ސައިންސް" މިނަމުގައި މައުލޫމާތު ދިނުމުގެ ޓްރޭނިންގ ވޯރކޮޝޮޕް ތަކެއްބާއްވައިފި
- ބުދަ, 17 އޭޕްރީލް 2013
މެޖިސްޓްރޭޓު ކޯޓުތަކުގައި މަސައްކަތްކުރާ ފަނޑިޔާރުނަން އަމާޒުކޮށްގެން ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަނާއި މޯލްޑިވްސް ޕޮލިސް ސާރވިސްގެ ޓްރޭނިންގ އިންސިޓިޓިއުޓާއި ގުޅިގެން "އިވެލުވޭޓިންގ ދަ ވެލިއު އޮފް ފޮރެންސިކް ސައިންސް" މިނަމުގައި މައުލޫމާތު ދިނުމުގެ ޓްރޭނިނގ ވޯކްޝޮޕްތަކެއް ބާއްވައިފިއެވެ.
ޑިޕާޓްމަންޓްގެ ޓްރޭނިންގ އެންޑް ޑިވެލޮޕްމަންޓް ސެކްޝަނުން އިންތިޒާމް ކޮށްގެން ކުރިޔަށް ގެންދިޔަ މިޕްރޮގްރާމްގެ މަގްސަދަކީ ފޮރެންސިކް ސައިންސާއި، ފޮރެންސިކް ގޮތުން ހޯދޭ ހެކި ވަޒަންކުރެވޭގޮތާއި ބެހޭ ގޮތުން މެޖިސްޓްރޭޓް ކޯޓުތަކުގެ މެޖިސްޓްރޭޓުންނަށް މައުލޫމާތު ދިނުމާއި ފުލުހުން ތަޙްޤީގުތަކުގައި ހެކިހޯދުމުގައި އަމަލުކުރާ އުސޫލުތަކާބެހޭ މަޢުލޫމާތު ކޯޓުތަކުގެ ފަނޑިޔާރންނަށް ދިނުމެވެ.
ދެގްރޫޕަކަށް ބަހާލައިގެން ކުރިޔަށްގެންދިޔަ މިޕްރޮގްރާމްގައި ޖުމްލަ ސާޅީސް މެޖިސްޓްރޭޓުން ބައިވެރިވެވަޑައިގެންނެވިއެވެ.
06 އޭޕްރިލް އަދި 13 އޭޕްރިލް 2013 ވަނަ ދުވަހު ހެނދުނު 08:15 ން 16:00 އަށް ކުރިޔަށްގެންދިޔަ މިޕްރޮގްރާމްގެ ސެޝަންތައް ބޭއްވުނީ އިސްކަންދަރުކޮށީގައެވެ. ބައްދަލުވުމުގައި މައުލޫމާތު ދެއްވީ މޯލްޑިވްސް ޕޮލިސް ސާރވިސްގެ ކަމާބެހޭ ތަޖުރިބާކާރު ބޭފުޅުންނެވެ.
ޖުޑީޝަރީގެ މުވައްޒަފުންނަށް ކަސްޓަމަރ ސާރވިސް ކޯހެއް ފަށައިފި
- ބުރާސްފަތި, 04 އޭޕްރީލް 2013
ދިވެހިރާއްޖޭގެ ޖުޑީޝަރީގެ މުވައްޒަފުންނަށް އަމާޒުކޮށްގެން، "ކަސްޓަމަރ ސާރވިސް" ގެ ނަމުގައި، ކަސްޓަމަރުންނަށް ޚިދުމަތް ދިނުމުގެ ހުނަރުތައް ތަރައްޤީ ކޮށްކުރިއެރުވުމުގެ މަޤުޞަދުގައި ކޯހެއް ފަށައިފިއެވެ.
މި ކޯސް އިންތިޒާމު ކުރައްވައި ކުރިޔަށް ގެންދަވަނީ ރައީސުލް ޖުމުހޫރިއްޔާގެ އޮފީހާއި ގުޅިގެން ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަންގެ ޓްރެއިނިންގ ސެކްޝަނުންނެވެ.
02 އޭޕްރިލް 2013 ވަނަދުވަހު ފެށުނު މި ކޯހުގެ ސެޝަންތައް ކުރިޔަށް ދަނީ ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަނުގެ ޓްރެއިނިންގ ރޫމުގައެވެ. ކޮންމެ ދުވަހެއްގެ 13:00 އިން ފެށިގެން 16:30 ކުރިޔަށްދާ މިކޯހުގެ މުއްދަތަކީ ތިންދުވަހެވެ.
"ކަސްޓަމަރ ސަރވިސް" މި ކޯހުގައި ޑިޕާޓްމަންޓާއި މާލޭ ކޯޓުތަކުން 25 ބޭފުޅުން ބައިވެރިވެވަޑައިގަންނަވައެވެ.
14 ބުރީގެ ކޯޓު ކޮމްޕްލެކްސް ބިލްޑިންގ ކުރެހުމުގެ އެއްބަސްވުމުގައި ސޮއިކޮށްފި
- އަނގާރަ, 12 މާޗް 2013
ސުޕީރިއަރ ކޯޓުތަކަށް ދިމާވެފައިވާ ޖާގައިގެ ދަތިކަން ހައްލުކުރުމަށްޓަކައި ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަނުގެ ފަރާތުން އިމާރާތްކުރަން ހަމަޖެހިފައިވާ ސާދަ ބުރީގެ ކޯޓު ކޮމްޕްލެކްސް ބިލްޑިންގ ކުރެހުމުގެ މަސައްކަތް ރިޔާން ޕްރައިވެޓް ލިމިޓެޑާޙަވާލުކޮށްފިއެވެ.
މިމަޝްރޫޢުގެ އެއްބަސްވުމުގައި ސޮއިކުރުމުގެ ރަސްމިއްޔާތު ބޭއްވިފައިވަނީ 12 މާރޗް 2013 ވޫ އަންގާރަ ދުވަހު ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަންގައެވެ.
ޑިޕާޓްމަންޓްގެ ފަރާތުން އެއްބަސްވުމުގައި ސޮއި ކުރެއްވީ ޑިރެކްޓަރ ޖެނެރަލް އައްޝޭޙް އިބްރާހިމް ވަޙީދު ޢަލީއެވެ. ރިޔާން ޕްރައިވެޓް ލިމިޓެޑްގެ ފަރާތުން އެއްބަސްވުމުގައި ސޮއިކުރެއްވީ ކުންފުނީގެ މެނޭޖިންގ ޑިރެކްޓަރ އަލްފާޟިލް އިބްރާހިމް ހަމީޒެވެ.
މި މަޝްރޫޢުގެ މަސައްކަތުގެ ޖުމްލަ އަގަކީ 477,000.00 (ހަތަރު ލައްކަ ހަތްދިހަ ހަތްހާސް ރުފިޔާ) އެވެ. މަސައްކަތް ނިންމަން ކަނޑައެޅިފައިވާ މުއްދަކީ 62 (ފަސްދޮޅަސް ދޭއް) ދުވަހެވެ.
މިއިމާރާތް ކުރުމަށް ހަމަޖެހިފައިވަނީ އެސް.ޓީ.އޯ 378 ނަންބަރު ކޮށީގައެވެ.
އިތުރު ލިޔުންތައް...
- މެނޭޖްމަންޓް ސްކިލްސް- "މަސައްކަތާއި މުވައްޒަފުން، ސުޕަވައިޒަރުންގެ ދައުރު" މިނަމުގައި ވޯކްޝޮޕެއް ފަށައިފި
- "ވާރކްޝޮޕް އޮން ކެޕިޓަލް މާރކެޓް އެންޑް ޕެންޝަން" މިނަމުގައި މައުލޫމާތު ދިނުމުގެ ބައްދަލުވުމެއްބާއްވައިފި
- އުއްތަމަފަނޑިޔާރު ލ. އަތޮޅުގެ ބައެއް ރަށްތަކަށް ދަތުރުފުޅެއް ކުރައްވައިފި
- ނޫސްވެރިކަމުގެ އަސާސީ ހުނަރުތައް ދަސްކޮށްދިނުމާއި އަދި މީޑިއާއަށް މަޢުލޫމާތު ދިނުމުގެ ހުނަރު ދަސްކޮށްދިނުމުގެ ކޯހުގެ ބައިވެރިންނަށް ސެޓްފިކެޓްދީފި